Ish-anëtarja e Kryesisë së PD-së, Endira Bushati ka komentuar deklaratat e kreut të PD, Lulzim Basha, nëpërmjet të cilave ky i fundit shprehu se ish-kryeministri Berisha është kthyer në tub oksigjeni për regjimin e Ramës.
Përmes një njoftimi në Facebook ajo shkruan se Basha nuk e gjeti kurrë kohën e tij dhe se këto vendime i merr nga trysnia dhe pa i menduar mirë. “Mos ia vini re Lulit…i ka rënë dielli në kokë sot…Është nëntor…dhe 27 gradë plus dhe 30 gradë tjera nga Foltorja. Ai nuk e gjeti kurrë kohën e vet. Ngriu në korrik 2017 e do të shkrijë krejt deri në dhjetor 2021”, shkruan Bushati në rrjetin social Facebook.
Nga ana tjetër edhe Indrit Hoxha ka kritikuar Bashën për deklaratën kundër Berishës, duke thënë se në të vërtetë është Basha ai i cili është kthyer në oksigjen për Ramën. “Kryetari në detyrë i PD është i vetmi sot qe ka marrë peng opozitën dhe është kthyer në oksigjen për pushtetin e Edi Rames, beteja e të rinjve sot është me e madhe sepse duhet të çlirojmë opozitën dhe më pas të përmbysim regjimin e Edi Ramës”, shkruan ai. Ndërsa të dy ata shprehen se Basha duhet të jap sa më parë dorëheqjen. E.H/ gijotina.com/
Discussion about this post