Situata në Afganistan dhe menaxhimi i saj nga trupat ushtarake amerikane ka sjellë debate që kanë çuar edhe në shkarkime nga puna. Rasti i fundit është koloneli Stuart Scheller i cili ka qenë në marinë për 17 vjet është shkarkuar nga detyra pasi tha me zë të lartë se SHBA nuk po merr përgjegjësinë për atë që po ndodh në Kabul.
Koloneli Stuart Scheller kritikoi Sekretarin e Mbrojtjes, Lloyd Austin dhe gjeneralin Mark Milley nëpërmjet një video të publikuar në rrjetet sociale.
Në një deklaratë dërguar ‘The Washington Post’, zëdhënësi i Trupave Detare Major Jim Stenger konfirmoi se Scheller “u lirua nga komanda nga Kolonel David Emmel, Oficer Komandant i Shkollës së Këmbësorisë-Lindore për shkak të humbjes së besimit në aftësinë e tij për në komandë.”
“Ekziston një forum në të cilin udhëheqësit detarë mund të adresojnë mosmarrëveshjet e tyre me zinxhirin e komandës, por nuk janë mediat sociale”, – shtoi më tej zëdhënësi i trupave detare.
