Një ndër kritikët më të mëdhenj të Edi Ramës në Partinë Socialiste, Ditmir Bushati është i pranishëm në Asamblenë e Partisë Socialiste. Ish drejtuesi i PS në Shkodër, ish ministër i jashtëm në mandatin e parë të qeverisë Rama, sot i përjashtuar nga funksionet politike në radhët e kësaj force politike ka vendosur të ndjekë nga afër zhvillimet në mbledhjen e asamblesë së PS.
Sot është dita në të cilën do të prezantohen emrat e ministrave të rinj të kabinetit qeveritar “Rama 3” dhe duket se në këtë ngjarje kanë vendosur të jenë të pranishëm jo vetëm kritikët, por edhe ata socialistë që vendosën të largohen nga politika si ish kreu i kuvendit Gramoz Ruçi.
