Kreu i Partisë së Lirisë Ilir Meta me anë të një postimi në Facebook ka thënë se 36% e totalit të energjisë në Europë sigurohet nga gazi natyror me kosto 100 euro/Mv. Më tej Meta shkroi se “ndërkohë që vendet e Bashkimit Europian kanë në dispozicion 50 anije gazmbajtëse të gatshme për t’u shkarkuar në terminalet LNG, Qeveria e “Rilindjes” ofron si zgjidhje të lutemi për reshje”.
“Ndërkohë që çmimi i energjisë ka rënë me 50% në krahasim me muajin shtator, Qeveria e “Rilindjes” vendos të rritë shumëfish çmimin për familjet shqiptare”, shkroi Meta ndërsa deklaroi se 12 nëntori është dita e protestës kundër vjedhjeve monstruoze të “Rilindjes” në energji dhe kundër rrënimit të familjeve shqiptare dhe bizneseve.
Postimi i plotë:
Aktualisht rezervat e gazit në vendet europiane janë 100%. Kjo është arsyeja pse çmimet e energjisë janë mesatarisht 150 euro/Mëh, pasi 36% e totalit të energjisë në Europë sigurohet nga gazi natyror me kosto 100 euro/Më.
Ndërkohë që vendet e Bashkimit Europian kanë në dispozicion 50 anije gazmbajtëse të gatshme për t’u shkarkuar në terminalet LNG, Qeveria e “Rilindjes” ofron si zgjidhje të lutemi për reshje. Ndërkohë që çmimi i energjisë ka rënë me 50% në krahasim me muajin shtator, Qeveria e “Rilindjes” vendos të rritë shumëfish çmimin për familjet shqiptare.
Ndaj 12 Nëntori është dita e protestës kundër vjedhjeve monstruoze të “Rilindjes” në energji dhe kundër rrënimit të familjeve shqiptare dhe bizneseve.
Discussion about this post