Kriza ekonomike që solli pandemia ka shkarkuar dëme të mëdha financiare për bizneset në vend. Të dhënat e plota tregojnë se gjatë pandemisë janë larguar nga puna mbi 27 mijë persona, për shkak se bizneset kishin probleme financiare dhe bën shkurtime në staf. Në një anketë të zhvilluar nga INSTAT është evidentuar gjatë pandemisë bizneset në vend kanë arritur të firojnë vetëm 17.5 mld euro, ndërsa para pandemisë fitimet nga xhirot vjetore kapnin vlerat e 18.5 mld euro. Kjo tregon që për shkak të pandemisë ata kanë dale me humbje, përafërsisht kanë fituar 951 milionë euro më pak.
INSTAT tregon në raportin e publikuar se krahasuar me vitin 2019 shitjet neto të sektorit të shërbimeve kanë rënë me 71 miliard lekë gjatë . Nga ana tjetër humbje të mëdha ka pësuar edhe sektori i industrisë nxjerrëse. Bizneset në këtë sektor tregojnë se kanë pësuar 32 mld humbje. Sektori i shërbimeve të tjera, ku përfshihen arsimi dhe shëndetësia private, shërbime administrative, profesionale, shkencore dhe teknike, etj, rënia e shitjeve neto regjistrohet 28.8 miliard lekë.
INSTAT tregon se edhe numri më i lartë i largimeve nga puna regjistrohet në këta sektorë. Konkretisht, për sektorin e tregtisë rënia e numri të të punësuarve në vitin 2020, krahasuar me vitin 2019, regjistrohet në 1.89%. Rënien më të madhe në numrin e të punësuarve e ka pësuar sektori i akomodimit dhe shërbimit ushqimor me 13,6%, ndjekur nga industria nxjerrëse me 11.2%.
Ndërkohë i vetmi sektor që ka regjistruar rrijë të të ardhurave është ndërtimi. Gjithashtu në këtë sektor ka pasur rritje të punësimit gjatë pandemisë. Ndërkohë, evidentohet se nga përgjigjja e dhënë në anketë, bizneset tregojnë se ndihen pesimist edhe për të ardhmen pasi ecuria e deri tanishme është shumë e dobët dhe aspak premtuese.
Discussion about this post