Kryeministri Rama u shpreh e sot se kriza energjetike është globale nuk po kap vetëm Shqipërinë dhe çmimet do të rriten kudo, por me sa duket kjo nuk vlen për Kosovën. Po Kosova nuk është prekur nga kjo krizë vallë, apo ata po menaxhojnë situatën shumë më mirë se ne?!
Pasi, ndërkohë që në vendin tonë po flitet për shtrenjtim të energjisë elektrike, Zyra e Rregullatorit të Energjisë në Kosovë ka vendosur që mos të mos ketë janë gjë të tillë për Kosovën për vitin 2021.
Kështu, tarifat aktuale të energjisë do të mbesin të njëjta deri me 1 prill 2022, kur bëhet rishikimi i rregullt çmimeve të energjisë elektrike.
Ky vendim i Zyrës së Rregullatorit të Energjisë është marrë përkundër faktit që çmimi i importit të energjisë elektrike është rritur dukshëm gjatë këtij viti krahasuar me vitet e kaluara.
Vendimi i bordit të ZRrE-së për tarifat e energjisë prill 2021-mars 2022 është marrë në muajin tetor e jo siç zakonisht ndodh në tremujorin e parë të secilit vit, pasi ky institucion ka qenë pa bord funksional deri në muajin gusht.
Me aprovimin e këtyre të hyrave, ZRRE ndër të tjera ka marrë në konsideratë edhe rritjen e çmimeve të importit të cilat janë jashtë kontrollit të operatorëve. Megjithatë rritja e të hyrave, si rezultat i rritjes së konsumit të energjisë elektrike, ka neutralizuar kostot e përgjithshme të furnizimit me energji elektrike, prandaj të hyrat e lejuara nuk do të reflektojnë ngritje të çmimeve të energjisë elektrike për konsumatorët fundor në vitin tarifor 2021”, thuhet në sqarimin e ZRrE-së.
Duket se Kosova do të sillet ndryshe nga Shqipëria sa i takon rritjes së çmimit të energjisë elektrike, pasi sot kryeministri Rama shpalli krizën energjetike.
