Kryeministri i Kosovës, Albin Kurti, ka folur sërish rreth krizës energjetike në vendin fqinj, duke i kërkuar qytetarëve kosovarë ta shpenzojnë energjinë në mënyrë racionale.
Përmes një postimi në Facebook, ai shprehet se kjo kriza ka dy zgjidhje, ose reduktimin e energjisë, ose rritjen e çmimit të saj, ndonëse ai shprehet se qeveria po punon për heqje e reduktimit.
“Janë dy faktorë të brendshëm që na kanë sjellë në këtë krizë. Mungesa e vizionit për zhvillim socio-ekonomik të Kosovës, me planifikim të sektorit energjetik për furnizim të qëndrueshëm dhe çmime të përballueshme, si për amvisëritë ashtu edhe për industrinë. Së dyti, korrupsioni qeveritar i bërë zakon, e që kulmoi me privatizimin e rrjetit të shpërndarjes dhe furnizimit për vetëm 26 milionë euro. Unë dhe ministrja e Ekonomisë Artane Rizvanolli jemi në komunikim të rregullt me KEK-un, KOSTT-in dhe ZRrE-në”, shkroi Kurti.
Kurti ka thënë se falë shtimit të likuiditetit dhe subvencionimin e importit kanë arritur të stabilizojmë furnizimin, ndërsa i bëri thirrje qytetarëve të jenë më të kursyer.
Discussion about this post