Kriza e energjisë në vendin tonë dhënë shenjat e para që në sezonin e verës dhe kulmoi në muajin tetor shenjat e saj kishte disa muaj rresht që po i jepte në tregje. Por, pavarësisht se ishte e vetëdijshme për atë çka e priste vendin, qeveria nuk ka ndalur shitjet, madje në periudhën korrik -shtator ka shitur energji dy herë më shumë e njëjta periudhë e 2020-së.
Pra, qeveria ka vazhduar të mendojë për fitimet e saj financiare pa menduar për shkatërrimin që po i bënte sektorit të energjisë dhe xhepave të taksapaguesve. Këtë abuzim të qeverisë e vërteton më së miri, bilanci i energjisë i publikuar nga INSTAT, i cili tregon se prodhimi në tërësi në 3-mujorin e tretë pësoi rritje gjithashtu. “Prodhimi neto vendas i energjisë elektrike në këtë periudhë u rrit me 7,2% duke arritur vlerën 1.371 Gwh nga 1.280 Gwh energji të prodhuar në tremujorin e tretë të vitit 2020. Ky prodhim u realizua nga hidrocentralet publike në masën 76,3%, nga hidrocentralet private dhe koncesionare në masën 22,7% dhe nga të tjerë prodhues (energji e rinovueshme) në masën 1,0% të prodhimit neto vendas të energjisë elektrike.
Importi bruto i energjisë elektrike (energji në marrje), në tremujorin e tretë të vitit 2021, arriti vlerën 975 Gwh nga 666 Gwh që ishte në të njëjtën periudhë të një viti më parë, duke shënuar kështu një rritje me 46,5%. Eksporti bruto i energjisë elektrike (energji në dhënie) arriti vlerën 323 Gwh nga 139 Gwh duke shënuar një rritje me 2,3 herë”, thuhet në publikimin e INSTAT.
Sipas INSTAT, qeveria ka shitur më shumë energji nga a ka blerë në këtë periudhë kohe, pavarësisht se gjendja duket shumë e keqe për të ardhmen. Këto veprime kanë bërë që hendeku mes energjisë së shitur dhe asaj të blerë të kapë vlera negative, me një rritje 23.7% krahasuar me korrik-shtator 2020.
Shkëmbimi i energjisë elektrike (diferenca mes eksportit dhe importit bruto të energjisë), në tremujorin e tretë të vitit 2021, ka pësuar një ndryshim me 23,7% duke arritur vlerën negative prej 651 Gwh, krahasuar me tremujorin e tretë të vitit 2020 ku kishte një vlerë negative prej 527 Gwh”, thuhet në raport.
Ndër të tjera, INSTAT vlerëson se gjatë këtij viti ne patëm 5.7% më shumë humbje në rrjet krahasuat me një vit më parë. Ndërkohë, ajo që bie në sy është edhe rritja e konsumit në vend në raport me të njëjtën periudhë të një viti më parë dhe pjesën më të madhe të kësaj rritjeje e kanë bizneset dhe më pak familjarët.
Discussion about this post