Në takimin që po zhvillon me demokratët e Përmetit Sali Berisha iu ka garantuar atyre se opozita do të forcohet dhe do të dalë me ta për të kërkuar lirinë. Më tutje ai iu bëri thirrje qytetarëve që të ngrihen në protesta. Ai tha se e vetmja rrugë për të rrëzuar regjimin e Edi Ramës dhe shpëtuar vendin nga kriza është përmes protestave.
“Populli po varfërohet çdo ditë e më shumë, ndërsa Edvin Rama shtrin regjimin e tij kudo. Nuk do humbasim më kohë, do fitojmë dinjitetin. Të mbushim rrugët dhe sheshet, si e vetmja mënyrë për të mposhtur këtë regjim dhe për të nxjerrë vendin nga kriza ekonomike që po na përpinë”, u shpreh Berisha.
Sakaq, ai tha se opozita do të dalë çdo ditë me qytetarët në protestë, pasi është detyrë dhe përgjegjësi e saj.
Discussion about this post