Sa më shumë i rrit Rama çmimet e naftës me Bordin e Transparencës, aq më shumë tendera po merr “Kastrati” për furnizim me karburant të shtetit. Këtë herë gostinë ja ka shtruar OSHEE, institucion që përfaqëson një tjetër sektor në krizë, atë të energjisë
Pikërisht në ditët kur çmimi i naftës ka arritur majat, drejtori i OSHEE, Adrian Çela, kujtohet të blejë karburant që zyrtarëve të saj mos t’iu prek këmba në tokë, por t’i kenë makinat ndezur. Bëhet fjalë për tenderin me objekt “Blerje karburant Diesel dhe Benzine për nevojës te OSHEE GROUP sh.a”, për cilin OSHEE do të xhirojë në llogarinë e Shefqet Kastratit 3 miliardë lekë.
Më tutje nga shqyrtimi i dokumenteve të tenderit evidentohet se vlera fillestare për këtë kontratë ka qenë 191,959,400 lekë të reja. Meqenëse fitues është shpallur “Kastrati” dhe çmimet e karburantit janë rritur, vlera për blerjen e naftës ka shkuar në 210,724,491.36 lekë. Kujtojmë këtu se “Kastrati” ka krijuar monopol në tregun e naftës dhe është vetë ai që vendos çmimet e naftës.
Bordi i Transparencës nën ndikimin e oligarkut të naftës i ngriti këtë javë çmimet në stratosferë. Për “koincidencë” këto ngritjeë të grafikut i përkasin ditëve kur “kastrati” fiton tendera furnizimi në shtet. Kujtojmë se vetëm tri ditë më parë “Kastrati Group” përpiu 260 milionë lekë nga Bashkia Shkodër, ndërsa më parë ka marrë disa tenderë nga Bashkia Tiranë.
Si po pasurohet “Kastrati”
Bordi i Transparencës bëri mbledhje urgjente dhe rriti çmimet e naftës dhe benzinës, vetëm disa orë pas vendimit të OPEC-ut për uljen e prodhimit. Asnjë vend tjetër i rajonit nuk e ka bërë këtë lopjë me çmimet që bën Rama duke shtuar fitimet e “Kastratit”. Le të bëjmë një krahasim të thjeshtë me Kosovën që është shumë më pranë nesh dhe ekonomia jonë supozohet të jetë më e zhvilluar.
Ministria e Industrisë së Kosovës ka publikuar më 8 tetor 2022, çmimet e shitjes me pakicë të karburanteve si në vijim: nafta 1.67 euro/ litër, benzina 1.39 euro/ litër dhe gazi. Ndërsa në vendin tonë, në të njëjtën ditë nafta shitet me e 245 lekë, me një rritje rekord prej 22 lekësh që nga fillimi i funksionimit të Bordit në mars të këtij viti. Ndërsa në raport me Kosovën dhe vendet e tjera të rajonit nafta në Shqipëri shitet shumë më shtrenjtë. Nëse merret konsumi mesatar ditor prej rreth 1500 tonësh në ditë, vetëm nga kjo diferencë në çmim, “Kastrati” ka arkëtuar rreth 600 mln lekë në ditë. Tashmë “Kastrati” pret institucionin e radhës që t’i bëhet dhuratë tenderi me super faturë.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post