Më pak se 24 orë na ndajnë nga përballja Kroaci-Shqipëri, ndeshja e dytë për të dyja skuadrat në Grupin B të “Euro 2024”. Të gjithë lojtarët janë të gjithë të gatshëm për kuqezinjtë, përfshi edhe Jasir Asanin që mori goditje ndaj italianëve.
Në Hamburg do të jenë 15 mijë tifozë kuqezi, pra shumë më pak nga ajo çfarë pamë ndaj Italisë. Stadiumi i Hamburgut ka rreth 49 mijë vende dhe sipas këtyre shifrave, tifozët kroatë do të jenë mbizotërues krahasuar me ata kuqezinj.
Ndërkohë UEFA nuk ka lejuar që seanca e fundit e stërvitjes të jetë në stadiumin e Hamburgut ku do të zhvillohet ndeshja.
Për shkak të situatës atmosferike me shira të shumtë, është preferuar që të mos dëmtohet tapeti i stadiumit. Për këtë arsye, ekipi është zhvendosur për këtë seancë në stadiumin e St. Paulit, ekipit tjetër të qytetit.
Discussion about this post