Eksperti i shëndetësisë Erion Dasho shkruan në rrjetin social Facebook, se një vit më parë ka denoncuar faktin se shteti nuk dërgonte shkresa zyrtare në lidhje me pandeminë covid 19, por i dërgonte në Ëhatsapp edhe pse covid po bënte kërdinë.
“Një vit më parë, unë dhe shumë kolegë të përgjegjshëm shkruanim pothuajse përditë në median sociale apo flisnim në median elektronike duke paralajmëruar atë që fatkeqësisht ndodhi, tragjedinë me 16 mijë të vdekur prej COVID-it” – shkruan Dasho.
Dasho shkruan se kjo është një sjellje kriminale dhe asnjë drejtor apo ministër nuk dërgonte urdhra me shtresa zyrtare, ndërsa përmend se kanë qenë me dhjetëra mjekë dhe infermierë që humbën jetën në betejën me covid 19 në krye të detyrës.
“Dhjetëra mjekë dhe infermierë humbën jetën, pjesa dërmuese e të cilëve në muajt kur kolegët e tyre europiane ishin siguruar 100% me maska, viziera dhe pajisje të tjera mbrojtëse; kur spitalet dhe qendrat shëndetësore ishin riorientuar për t’u bërë më të sigurta” – shkruan Dasho.
Ai thotë se duhet një hetim penal për shkaktarët e fatkeqësisë më të madhe shëndetësore dhe gjithë pasojave që janë shkaktuar nga kjo flamë.
Dimri që po vjen mund të jenë të vështira për Shqipërinë nga vala tjetër e pandemisë së virusit korona. “Lufta nuk ka mbaruar”, ndaj Kryeministri Rama dhe komiteti i ekspertëve hera herës bëjnë thirrje për vaksinim. Rreth tre muaj më parë u vendos vaksinimin me detyrim tek studentët që të riktheheshin në auditore , ky diskutim hapi debate. Ku një zë kundër ishte edhe eksperti Erion Dasho.
Ndërkohë, ky i fundit hera herës ka kritikuar veprimet qeveritare për menaxhimin e situatës së krijuar nga COVID -19. Dasho është shprehur edhe se bashkëpunimi me ekspertë shqiptarë në SHBA, Kanada dhe BE mund të ndihmojë për lehtësimin e kësaj situate, mirëpo sipas tij kjo gjë nuk është e mundur pa mbështetjen e qeverisë.
Dasho në çdo dalje publike ia ka lënë fajin për ecurinë e deritanishme Ministrisë së Shëndetësisë dhe Komitetit Teknik të Ekspertëve.
