Parandalohet një krim në familje! Policia e Krujës ka arrestuar Arben Hoxhën, 41-vjeçarin i cili shkoi me armë zjarri në banesën e vjehrrit të tij. Policia mori njoftimin se në fshatin Bruz Zall, një person po kërcënonte me armë zjarri bashkëshorten e tij dhe familjarët e saj. Efektivët mbërritën menjëherë në adresën e dhënë duke bërë të mundur neutralizimin dhe arrestimin në flagrancë, të Hoxhës.
Hoxha ka shkuar i armatasor në shtëpinë e vjehrrit të tij në fshatin Bruz Zall dhe ka kërcënuar bashkëshorten së bashku me familjarët e saj. Policia ka raportuar se ai ka qënë në gjendje të dehur dhe ka qëlluar disa herë në ajër.
41-vjeçari duhet të përballet në gjykatë me veprat penale “Kanosje serioze për jetën”, “”Armëmbajtje pa leje” dhe “Dhunë në familje”.
