Shtatë kallëzime penale janë depozituar në SPAK, ndaj kryebashkiakut të Krujës Artur Bushi. Vetëm dy prej këtyre denoncimeve po hetohen pasi për të tjerat SPAK ose ka vendosur shpalljen e mokompetencës, ose pushimin e hetimeve. Megjithatë edhe në dy dosjet që janë ende nën hetim, Prokuroria po verifikon faktin pasi nuk ka shënuar emrin e kryebashkuakut në regjistrin e veprave penale.
Kryebashkiaku i Krujës Artur Bushi, rezulton një nga zyrtarët lokalë më të denoncuar në Prokurorinë e Posaçme. Burime nga ky institucion thonë se 7 kallëzime penale janë bërë në SPAK, ndaj kryebashkiakut të Krujës.
Kallëzimet
Siç mësohet nga burime pranë Prokurorisë, për tri nga denoncimet është vendosur regjistrimi i procedimit penal për verifikimin e faktit, por pa nisur hetimet ndaj Artur Bushit.
Ndërkohë dy padi të tjera nuk janë pranuar nga SPAk, dhe grupi i hetimit ka vendosur dërgimin e tyre për kompetencë në prokurori të tjera, dhe për 2 materiale kallëzuese është vendosur mosfillim procedimi për shkak të mungesës së provave ose për shkak se fakti i pretenduar nuk parashikohet nga ligji si vepër penale.
Burimet nga Prokuroria, thanë se nga tri procedime që janë regjistruar, për njërin prej tyre është grupi i hetimit ka dërguar kërkesë për pushim në Gjykatë, ndërkohë që dy procedime penale janë në fazën e hetimit.
Pavarësisht numrit të madh të padive penale emri i Artur Bushit, nuk është i regjistruar në regjistrin e procedimeve penale deri në këtë fazë, për asnjë prej denoncimeve. Prokuroria e Posaçme tregohet mjaft e rezervuar në dhënien e informacionit konkret lidhur me përmbajtjen e dosjeve apo edhe kush janë autorët e kallëzimeve ndaj Artur Bushit.
Kandidimi
Ai u përfshi në politikën lokale pas kthimit në Shqipëri nga Italia, duke u zgjedhur kryetar i Komunës Thumanë, në vitin 2011. Dy vjet më pas, ai u bë pjesë e listës së kandidatëve të Partisë Socialiste, për deputet në qarkun e Durrësit dhe fitoi mandatin.
Në gusht 2015, ai u bë kryetar bashkie në Krujë ndërkohë që një investigim i BIRN po atë vit zbuloi se kandidati për kryebashkiak i Krujës ishte arrestuar në qershor 2010 nga policia italiane, i dyshuar për lidhjet me një organizatë të trafikut të kokainës.
Bushi u lirua një muaj e gjysmë më pas, ndërsa çështja kundër tij u pushua dhe u arkivua në vitin 2011 nga Prokuroria italiane.
Përveç kësaj çështjeje, Artur Bushi shënoi në formularin e dekriminalizimit edhe një ndalim të vitit 1996 në Caserta të Italisë, ku ishte liruar menjëherë pas një verifikimi.
Discussion about this post