Giussepe Sala, Kryetari i Bashkisë së Milanos, e kishte lënë të nënkuptuar pak kohë më parë, por ka ardhur koha për të qenë i qartë.
Në lidhje me qëndrimin ose jo të Interit e Milanit në “San Siro”, gjatë një interviste, është shprehur: “Kur Interi dhe Milani erdhën tek unë për të filluar të flisnin për stadiumin, u propozova menjëherë që të fillonin një rinovim të madh të “San Siro”-s.
Më duhet të pranoj skuadrat që, shumë qartë, më thanë se ishte një opsion, të cilin as nuk mund ta merrnin në konsideratë. Atëherë është e pamohueshme që procesi zgjati shumë kohë si për procedurën administrative, kontrollet teknike, edhe sepse në fillim klubet kërkuan struktura (d.m.th. mundësinë e ndërtimit të hoteleve, zyrave, qendrave tregtare), të cilat nuk ishin në përputhje me rregullat e bashkisë.
Sigurisht, të them të drejtën, nuk mund të injorojmë që një pjesë e Këshillit Bashkiak, qoftë edhe pjesa ime politike, kurrë nuk e ka dashur realisht stadiumin e ri, veçanërisht nëse kjo nënkuptonte sakrifikimin e stadiumit të vjetër”.
syri
Discussion about this post