Kryemadhi flet për përplasjet me Metën: Ka marrë këshilltarët e gabuar

Deputetja Monika Kryemadhi ka folur për raportin me Ilir Metën.

Ajo është shprehur në emisionin ‘Opinion’ se ka këndvështrime ndryshe nga Meta dhe nuk mund t’ia heqë dot të drejtën për të shprehur mendimin e saj.

“Mendimet e mia do jenë të drejtpërdrejta.Unë kam këndvështrim ndryshe sa i përket strukturimit të partisë.

Nuk po them që kur kam drejtuar LSI kam shkëlqyer edhe të drejtën për të shprehur mendimin tim nuk mund të ma heqë dot.

Nuk ka konflikt, por një sjellje që ka marrë nga këshilltarët e gabuar”, tha Kryemadhi.

Ajo është shprehur se, Meta firmos paçavure dhe ka rreth tij njerëz servilë dhe që e kanë mendjen bosh.

“Meta është gënjyer. Kur mbledh rreth vetes rrogëtarë dhe servilë që e kanë mendjen bosh dhe nuk e mbushin dot do krijojmë imagjinata.

Severat e godinës s PL janë servera që fshihen pas një jave. Ka luhatje tensioni dhe mund të ketë moment kontakti. Ky është problem njohurish. Kur je injorant….Është fantazi e krijuar nga disa njerëz.

Është shpërdorimi i turpshëm që i bëhet emrit të Metës. Kryetari i partisë nuk firmos paçavure, por marrëveshje politike që sjell pëfitime për qytetarët.

Kryetari i partisë firmos si administrator godine”, tha Kryemadhi.