Kryetarja e LSI, Monika Kryemadhi, ka vijuar me denoncimet mbi aferën e inceneratorëve, duke e cilësuar kryeministrin Edi Rama si ideatorin dhe zbatuesin e kësaj skeme korruptive.
Përmes një postimi në “Facebook”, shoqëruar me dokumente, Kryemadhi thekson se priten arrestime të tjera të zyrtarëve të lartë, njëjtë si ai i ish-ministrit Lefter Koka.
“Qytetarët presin me padurim goditjen e këtij grupi të strukturuar kriminal të veshur me kostum zyrtar. Ja ku është koka e grupit të strukturuar kriminal, Edi Rama, me vasalin e tij, Erion Veliaj.
Edi Rama, si ideator i skemës së inceneratorëve dhe zbatues i saj, këtë radhë ka firmat mbi vendimet që i kanë dhënë jetë skemave. Ndërsa Erion Veliaj firmos me urdhër të Ramës. Ku e gjen të drejtën, që në kundërshtim me ligjin për vetëqeverisjen vendore, neni 54/dh, të marrë atributet e Këshillit Bashkiak? Ai ka grabitur duke lidhur taksat e qytetarëve, për 30 vjet me inceneratorin e Tiranës, me një vlerë në total 91,784,500 Euro pa Tvsh”, shkrun Kryemadhi.
Kryetarja e LSI, shprehet e sigurt se institucionet e drejtësisë do të mundësojnë arrestimin e zyrtarëve të tjerë të përfshirë në këtë aferë korruptive.
Discussion about this post