Kryeministri i Letonisë Krisjanis Karins njoftoi dorëheqjen e tij këtë të hënë. Gjatë një konference për shtyp ai tha se do t’ i paraqesë presidentit dorëheqjen e tij dhe të kabinetit.
“Këtë të enjte do t’ia paraqes presidentit dorëheqjen time dhe të këtij kabineti”, tha ai, teksa më pas fajësoi partnerët e koalicionit “që bllokojnë punën për prosperitet dhe rritje ekonomike”.
Krahas fqinjëve të saj baltik, Lituanisë dhe Estonisë, Letonia është zëri kryesor në shtytjen e Bashkimit Evropian dhe NATO-s për të rritur presionin ndaj Rusisë për pushtimin e saj në Ukrainë.
Partia e qendrës së djathtë të Unitetit të Karins fitoi zgjedhjet kombëtare në tetor 2022, duke fituar 26 nga 100 vendet në një parlament të thyer, ku përfaqësohen shtatë parti.
Partia e Karins qeveriste vendin e Bashkimit Evropian prej 1.9 milionë banorësh, me mbështetjen e Aleancës Kombëtare konservatore dhe Listës së Bashkuar të partive më të vogla duke i dhënë atij një shumicë të ngushtë parlamentare.
Discussion about this post