Kryeministri holandez, Mark Rutte, është mahnitur me zyrën e kryeministrit shqiptar Edi Rama. Në takimin që patën ditën e sotme, Rama i tregoi sot zyrën e tij, vendin ku punon, duke i treguar me detaje gjithçka.
Pikturat e tij karakteristike në letrën murale, kravatat me piktura, mobilimi, portreti i Ismail Qemalit, një letër nga Papa Francesku ishin disa nga gjërat që i tërhoqën më shumë vëmendjen kryeministrit të Holandës.
Videoja është publikuar nga Rama në Instagram, ku shkruan se zyra e kryeministrit holandez është më e veçanta që ka parë dhe ndaj priste t’i kthente nderin e mikpritjes miqësore në Tiranë.
“Zyra e Kryeministrit holandez në Hagë është më e veçanta që kam parë dhe prej kohësh prisja t’i ktheja në Tiranë nderin e mikpritjes miqësore që më rezervoi” – shkruan Rama.
Kujtojmë se ditën e sotme kryeministri i Hollandës, Mark Rutte ishte për një vizitë zyrtare në Shqipëri, ku u takua me kryeministrin Edi Rama.
Discussion about this post