Kryebashkiaku i Himarës, Jorgo Goro pranoi kritikat e kryeministrit Rama lidhur me keqmenaxhimin e mbetjeve dhe premtoi se do të përmirësohet.
Gazetarja: Një koment për kritikat për Bashkinë e Himarës
Jorgo Goro: Ia vlen, do përmirësohem
Nga ana tjetër, Pjerin Ndreu ishte krebshkiaku i cili mori më shumë lëvdata gjatë mbledhjes që kryeminsitri Edi Rama kishte organizuar me krerët e bashkive. Ndreu i cili kryeson bashkinë e Lezhës u lavdërua nga kryeministri Edi Rama sa i përket menaxhimit të situatës së mbetjeve në qytet.
Pas përfundimit të mbledhjes, Ndreu dha një deklaratë për mediat, ku u mundua të tregohej modest me gjithë lëvdatat e marra nga kryeministri. Ai u shpreh se ishte gjë e mirë kur merrte vlerësime, por shtoi se kishte akoma shumë gjëra për të bërë në të ardhmen.
“Do vendosim orare. Të të vlerësojë kryeministri është mirë dhe nuk është se nuk më vjen mirë. Mendoj se në Lezhë nuk është ajo situatë përfekte por ka gjëra për të zgjidhur akoma. Kemi bërë një skemë bashkë me administratorët, kryepleqtë për të ndërtuar një mënyrë menaxhimi, etj. Ka një problem me edukatën qytetare, disa e kanë problem të disiplinohen, të mos hedhin gjëra nga dritarja e në tokë. Ne kemi shfrytëzuar studentët ekselentë dhe kanë reaguar ndaj qytetarëve të tillë. Janë model për mënyrën se si po përshtaten. Ose duhet të najapin ne grant që të shtojmë punonjësit dhe të merremi me këto akset kombëtare. Është e pamundur ta marrim ne në dorë me këto burime. Nuk kam pse i jap leksion askujt, jam një shembull, ka plot të tjerë nuk jam vetëm unë. U evidentua duke qenë se jemi në bregdet, dhe është problem sezoni turistik. Prandaj është problem, por mos të harrojmë koston që na shtohet “- tha Pjerin Ndreu.
