Teksa kryeministri Edi Rama po prezanton programin qeverisës për mandatin e tretë, kreu demokrat Lulzim Basha e ka injoruar duke folur në telefon.
Teksa Rama prezantonte programin, Basha shihet me telefon në dorë, duke vendosur dorën para gojës, në mënyrë që të mos dëgjohej. Deri më tani, kreu demokrat është shfaqur i qetë, ndërsa nuk ka pasur reagime as nga anëtarët e tjerë të PD.
Po ashtu, gjatë seancës plenare, e cila mund të zgjasë në një afat të pacaktuar, pritet që të zhvillohet një debat mbi programin politik. Mbi programin e qeverisë në orën 13:00 priten përgjigjet e pyetjeve nga kryeministri dhe anëtarët e Këshillit të Ministrave.
