Kryeministri spanjoll pritet me ceremoni zyrtare nga Rama

Kryeministri Edi Rama ka pritur në një cermoni shtetërore homologun e tij spanjoll, Pedro Sanchez

Në orën 11:00 kryeministri Edi Rama dhe homologu i tij spanjoll do të zhvillojnë një takim kokë më kokë, ku më pas do të mbajnë edhe një konferencë e përbashkët për shtyp.

Vizita e kryeministri spanjoll në Shqipëri bëhet në kuadër të turneut që Pedro Sanchez po zhvillon ne Ballkanin Perëndimor, që përfshin Serbinë, Malin e Zi, Bosnje Hercegovinën, Maqedoninë e Veriut dhe Shqipërinë.

Ajo që vihet re është se Sanchez ka zgjedhur mos të vizitojë Kosovën, pasi shteti që ai drejton nuk e ka njohur ende pavarësinë e saj. Spanja është një nga 5 shtetet e BE që ka refuzuar deri tani njohjen e Kosovës.

Turneu parashikohet të jetë aktiviteti i tij i fundit ndërkombëtar përpara pushimeve verore.

Më 26 qershor, gjatë një takimi të liderëve të Bashkimit Evropian në Bruksel, Sánchez zgjodhi të “riaktivizojë, ringjallë dhe rigjallërojë procesin e zgjerimit” për vendete Ballkanit Perëndimor.