Kryeministrja e Italisë, Giorgia Meloni i ka dërguar një letër kryetarit të Partisë Demokratike Sali Berisha ku e falënderon për mesazhin që ky i fundit i dërgoi pas fitores. Meloni shkruan se afërsia me PD është historike dhe është thelbësore të forcohet miqësia mes Italisë dhe Shqipërisë.
Letra e Melonit:
I dashur President,
Ju falenderoj sinqerisht për mesazhin që më keni dërguar.
Shpresa ime është që fitorja e “Vëllezërve të Italisë” dhe e qendrës së djathtë, të mos jetë vetëm përgjigja më efektive e mundshme ndaj nevojave të italianëve, por shenjë shprese dhe inkurajimi për të gjitha partitë dhe lëvizjet konservatore në Evropë që të mos ndalen kurrë së luftuari për vlerat tona të përbashkëta.
Në këtë kuptim, afërsia me partinë tuaj është historike, dhe për ne shumë e rëndësishme, ashtu si është thelbësore të forcohet miqësia midis popujve tanë dhe të mbështetet sa mirë rruga evropiane të Shqipërisë.
Për këtë pikë të fundit, mund t’ju siguroj vetëm mbështetje maksimale nga qeveria e ardhshme italiane.
Me përzemërsi të ngrohtë,
Giorgia Meloni
Discussion about this post