Kryesia e PD-së miraton kandidatët për 6 bashkitë në zgjedhjet lokale

Kryesia e Partisë Demokratike ka miratuar kandidatët për zgjedhjet e pjesshme lokale të 6 Marsit.

Kandidatët janë propozuar nga strukturat e Partisë Demokratike dhe u miratuan unanimisht nga kryesia e PD.

Mësohet se në Bashkinë e Shkodrës, PD-ja, do të përfaqësohet nga Xhemal Bushati ndërkohë Durrësi do të ketë në krye Luan Hoti.

Përsa i përket Bashkisë së Lushnjës do të jetë Indrit Sefa përfaqësuesi kurse në Bashkinë e Dibrës është propozuar Luan Haka.

Bashkia Rrogozhinë do ketë kandidatë Ferdinand Saraçi dhe Bashkia e Vorës do të prezantohet në zgjedhjet e 6 marsit me Ymer Marku.

Pas mbledhjes së kryesisë, fokusi i punës do të jetë angazhimi në terren për të fituar zgjedhjet në të 6 bashkitë.