Kryetari i PD-së në Vlorë, Genc Deromemaj ka treguar se do të marrë pjesë në takim e Berishës si një demokrat që kërkojnë lirinë. Përmes një deklarate për mediat ai tha se, nuk do të ketë penalizime për ata që marrin pjesë në takim. Ndërsa me plotë bindje tha se ai personalisht mbështet ish-kryeministrin Berisha.
“Do marr pjesë në një dëgjesë, si një demokrat, të ndërmarrë nga ish-lideri historik i PD-së, Sali Berisha. Besoj do të ketë pjesëmarrje goxha të lartë. Unë jam demokrat dhe ne demokratët kemi vlera të jashtëzakonshme dhe udhëhiqemi nga liria. Kam bindjen e plotë që kushdo që do të marri pjesë nuk do të ketë asnjë lloj penalizimi”, deklaroi ai.
Për sa i përket lajmeve se ka pasur presion për të mos marrë pjesë në takimet e Berishës gjatë takimit me Bashën, ai mohoi kategorikisht këtë gjë. Deromemaj tha se, pas kësaj lëvizje PD do të jetë më e fortë ndaj e mbështet Berishën për këto hapa.
“Marrëdhëniet me Bashën janë shumë korrekte. Para disa ditësh në një takim thërritur nga kryetari i partisë, kemi diskutuar për situatën dhe kemi marrë orientimin për të ruajtur pozitat e partisë. Në takimin që kam marrë pjesë as nuk është tentuar të artikulohet kjo. Thjesht u orientuam për situatën ku ndodhemi. Ishte një shpjegim për situatën ku ndodhemi. Nuk kemi të bëjmë ndarje mes mbështetësve. Unë mbështes çdo lloj lëvizje demokratike që në thelb ka parimet. Pas kësaj lëvizje PD do të jetë më e fortë për t’u përballur me mazhorancën”, theksoi ai.
Deromemaj theksoi disa herë se, pjesëmarrja do të jetë e madhe dhe të gjithë do shkojnë më dëshirë.
E.H/ gijotina.com/
