Një autopsi është kryher mëngjesin e sotëm në Institutin e Mjekësisë Ligjore në Stamboll mbi trupin e Julia Ituma, volejbollistes italiane 18-vjeçare nga Novara, e cila humbi jetën dje pasi u rrëzua nga dritarja e dhomës së saj të hotelit, ku ishte në grumbullim me ekipin e saj.
Për rezultatet e provimeve, të cilat do të duhet të përkthehen edhe në italisht, do të duhen disa ditë. Ndërkohë Elizabeth Ituma, nëna e Julias, po kthehet në Itali pas mbërritjes mbrëmë në Stamboll.
Familja dhe klubi presin kthimin e trupit, i cili sipas indikacioneve të autoriteteve lokale duhet të bëhet së shpejti. Varrimi do të bëhet të hënën ose të martën në San Filippo Neri të Milanos, ku ajo kishte nisur të luante.
Ndërkohë, Bordi i Ligës së Volejbollit të Serisë A për Femra ka vendosur të shtyjë ndeshjen e parë mes Chieri dhe Novara për të mërkurën më 19 prill.
Në ndeshjet e fundjavës, përveç minutës së heshtjes që kërkon FIPAV, lojtarët do të dalin në fushë me zi në krah.
Në të gjitha ndërtesat një moment do t’i kushtohet Julias, me një foto të projektuar në ekranet gjigante, ndërsa një mesazh në kujtesën e saj do të shfaqet në ekranet LED.
Spikeri do të kujtojë Julian si dhe nuk do të luhet muzikë në pallatet sportive gjatë këtij raundi të kampionateve të Serisë A1 dhe A2./La Gazzetta dello Sport
Discussion about this post