Barcelona kërkon të firmos me trajnerin Ksavi Hernandez teksa për këtë çështje ka folur ish-tekniku i katalanasve, Pep Guardiola i cili ka theksuar:
“Ne trajnerët jetojmë për rezultatet, varemi nga rezultatet dhe ikim apo rrimë në varësi të rezultateve. Edhe shkarkimi i Koeman është i lidhur me rezultatet, gjë që ai e di mjaft mirë. Gjithsesi Koeman mbetet miku im dhe shumë shpejt do të bisedoj me të.
Nuk e di çfarë po ndodh, por nëse ia besojnë Xavit, jam i bindur që ai është gati të bëjë më të mirën. Ai njeh futbollin, ka pasion për punën dhe mbi të gjitha, tani ka edhe eksperiencë si trajner, pasi e bën këtë punë prej kohësh në Katar”, u shpreh Guardiola.
