Ktheu shtëpinë në ‘fermë hashashi’, gjykata dënon 56-vjeçarin shqiptar në Angli

Drejtësia britanike ka dënuar një 56-vjeçar shqiptar që ishte arrestuar kohë më parë për kultivim të lëndëve narkotike.

Oficerët e zbatimit të ligjit, pas informacioneve që dispononin, zbuluan gjatë kontrollit të kryer se shqiptari Ilir Muçmata e kishte kthyer hyrjen në një “shtëpi bari”.

Gjykata pasi dëgjoi palët vendosi ta dënonte 56-vjeçarin me 1 vit burgim. Operacioni ishte kryer në fillim të vitit, kur edhe atij iu vendosën prangat në zonën e Crewe.

Oficerët gjetën 100 bimë, pajisje të sofistikuara për rritjen e lëndës narkotike dhe peshore, ndërsa Muçmata u arrestua në vendngjarje.

Autoritetet në Angli i thanë mediave se oficerët kishin një urdhër kontrolli më 20 janar në zonën e Goode Way në Chester dhe e ekzekutuan duke zbuluar shtëpinë e barit.

Prokurori Justin Taylor u shpreh: “Ky është një shembull tjetër i mirë i punës që po bëjmë në komunitetin tonë, për të pastruar rrugët nga droga ilegale dhe për të mbrojtur njerëzit nga dëmi dhe krimi që vjen me aktivitetin e paligjshëm të drogës”.