Eksperti i sigurisë kibernetike, Gent Progni, me një postim në rrjetet sociale ka ngritur pikëpyetje rreth sistemit të kadastrës digjitale.
Progni shkruan se tashmë prej 3 korrikut sistemi i kadastrës digjitale është i bllokuar.
Ai thotë se përgjegjës për këtë sistem është Ervin Muça, i cili sipas ekspertit të sigurisë kibernetike është përfshirë në jo pak afera.
Emri i Ervin Muçës u lakua pak ditë më parë lidhur me skandalin që përfshiu Policinë e Shtetit përsa i takon databazes së sistemit TIMS, për të cilin u tha se ishte shkarkuar me USB të jashtme, një shkelje kjo që nuk dihet nëse po hetohet ose jo.
Por emri i Ervin Muçës del edhe në Tatime, në MFE e ndoshta edhe në ndonjë “qoshe” tjetër institucioneve. Dhe duket se Muça është kthyer në atë personazhin humoristik të filmit “Dy herë mat”, Cukun, që ishte edhe marangoz, edhe shahist, edhe inxhinier, edhe roje.
Progni është duke denoncuar skandalet e ndryshme që kanë përfshirë këtu edhe AKSHI-n dhe ka kërkuar që SPAK të kryejë hetime sa më parë.
Sistemi digjital në kadastër u promovua me shumë bujë nga Kryeministri Edi Rama pas largimit të Artan Lames dhe emërtimit të Dallëndyshe Bicit. Rama në një takim tha se tashmë ka ardhur dita kur gjithçka në kadastër do të merret online, por duket se kjo ishte vetëm një shoë nga Kryeministri.
Postimi i Gent Prognit:
Kush eshte Ervin Muça ? Part 1
Ervin Muça eshte pergjegjes per sistemin e Kadastres. Asnje sflet qe pse spunon kadastra “dixhitale”. Sistemi dixhital i Kadastres i reklamuar me buje nga KM eshte bllokuar prej dates 3 korrik.
Eshte jashte funksioni se po merren te sistemohen te dhenat ne serverat e Soft Solution te Ermal Beqirit. Ervin Muça ne Tatime, Ervin Muça ne MFE njekohesisht ne Kadaster, pastaj Ervin Muça ne zemren e Policise se Shtetit tek sistemet.
Perse ky person kudo? Eshte vetem çeshtje interesi tenderash sic thuhet per Mirlinden e AKSHI dhe Ermal Beqiraj ortakun e saj?
Discussion about this post