Menjëherë pasi këngëtarja me famë botërore, Madonna, nisi turneun e saj botëror, 50 Cent është tallur keq me të. Reperi i famshëm ka kërkuar emrin e kirurgut plastik që ai mendon se ‘i ka bërë’ të keqen yllit të muzikës pop.
“Kush dreqin e bëri këtë? Ajo është e pasur si dreqin, nuk e ka rregulluar. Dua emrin e mjekëve”, ka shkruar 50 Cent në “Instagram”-in e tij, krahas një fotoje ku shfaqet Madonna dhe një insekt.
Reperi i famshëm përfshiu gjithashtu një video të këngëtares duke performuar dhe duke e krahasuar me një milingonë për pamjen e të pasmeve të saj të zmadhuara.
Ndërkohë Fansat e artistes e sulmuan menjëherë reperin, duke thënë: “Është shumë e trishtueshme kur një burrë sulmon një grua dhe kritikon trupin e saj. Turp të kesh”.
Rikujtojmë, se rekordet Botërore Guinness e riçertifikuan yllin e muzikës pop Madonna me një titull të madh. Gjiganti britanik e quajti edhe një herë yllin e muzikës si “artisten femër më të shitur të të gjitha kohërave”.
Sipas shifrave, Madonna e fitoi titullin pasi shiti më shumë se 400 milionë disqe gjatë karrierës së saj 40-vjeçare. Mbretëresha e popit e mban rekordin që nga viti 2009 dhe pas saj vijnë Rihanna, Mariah Carey, Taylor Swift dhe Beyoncé. Në fillim të këtij muaji, këngëtarja filloi turneun e saj “Celebration” prej 78 shfaqjesh i cili do të përfundojë në prill të vitit 2024.
Discussion about this post