Edhe pse kanë kaluar dy vjet nga tërmeti që la të pastreha shumë fa milje në vend, edhe pse qeveria raporton herë pas here se, jep grante e bën ndërtime, banorët në Fush Mamurras jetojnë në kasolle.
Një nga banorët e fshatit ka deklaruar për mediat se që në fillim ai e ka vënë në dyshim premtimin e kryeministrit dhe pas dy vitesh ai dyshim doli i vërtetë. Sipas tij, situata sa vjen e bëhet më e vështirë sidomos për fëmijët, ndërsa tregoi se tek një çadër aty pranë tij ndodhet nusja e djalit shtatzënë, së cilës me ardhjen e dimrit i rrezikohet jeta, pasi për këtë shkak e humbi njëherë fëmijën.
65- vjeçari tregoi se është lodhur nga pritja dhe përgjigjja që i jep bashkia vazhdimisht se nuk ka fonde. Prandaj me të drejtë ai pyet ku shkojnë këto fonde që qeveria raporton çdo ditë.
“As në bashki shkoj më në duan të ma bëjnë të ma bëjnë. Të ishte bërë në krye të 3 muajve kur ra tërmeti. Të vlerësohet dhe malli që ka. Të paktën të na sjellë dikush një kontenier se kam e nusen e djalit shtatzënë. Njëherë e humbi ”, thotë Uka.
Sipas të dhënave, në këtë zonë janë mbi 200 familje që presin t’u ndërtohet shtëpia, por deri më tani ata nuk kanë marrë asnjë sinjal se kur do të fillojnë ndërtimet.
