Emirana Sako, kryebashkiakja e Durrësit, ditën i “ndërton” rrugët, natën bën gati tenderin e ri që e rindërton. Kështu po ndodh me Shëtitoren “Taulantia” në Durrës, ku Sako po shpërdoron miliona lekë dhe gjendja e rrugës vazhdon të jetë skandaloze. Më datë 16 nëntor 2023, Bashkia Durrës ka publikuar tenderin me objekt “Rehabilitim Shëtitores “Taulantia” (loti III)”, ku parashikohet të shpenzohen 170 milionë lekë.
Ky projekt është një gropë e madhe për buxhetin, që nëse hetohet do të marrë brenda zyrtarët. Tenderi është shënuar me ‘Red Flag” nga Open Data Albania, që mban, çka të jep menjëherë informacionin se ka risk korrupsioni.
Sikur shohim në dokument gjatë prokurimit janë afruar 11 firma që kanë shfaqur interes për të marrë për sipër këtë projekt. Por, Sako dhe stafi i saj gjithmonë i bien rrugës shkurt për të arritur tek pjesëmarrësi që kanë vendosur qysh më parë ta fitojë tenderin. Në këtë rast komisioni i ka rënë me ‘sëpatë’ konkurrentëve dhe ka përjashtuar 10 prej tyre në fazën e parë. Kështu paratë i mbetën në dorë pa u lodhur bashkimit të operatorëve MF INVEST GROUP – MANE/S. Këta ofruan 130 milionë lekë për ta kryer këtë punë. Ndërkohë, edhe pse kishte oferta me vlerë më të ulët, Sako nuk është “joshur” sepse e ka paracaktuar fituesin.
Kush më mirë se Bledar Mane i “Manes/s” mund të zhvillojë më mirë këtë aferë?! Biznesmeni njihet tashmë për mashtrime me punimet dhe detyrimet në kontratat e punëve publike. Ai sot nuk duhej të kishte të drejtë të marrë pjesë në tendera, duke qenë se në disa raste nuk ka përmbushur kontratën.
Punë e dyfishtë
Kjo rrugë ka filluar të rregullohet që në vitin 2019 dhe aty janë përfshirë drejtori i Fondit të Zhvillimit Shqiptar, Bashkia Durrës, Këshilli i Ministrave dhe Ministrja e Infrastrukturës.
Sikur shohim në foton më poshtë, më 11 tetor të viti 2019 Kryeministria ka prezantuar vendimin për rehabilitimin e Shëtitores “Taulantia”, për të cilën u shpenzuan 2.8 milionë euro.
“Vija bregdetare e qytetit të Durrësit dhe Shëtitorja “Taulantia”, nga një zonë e amortizuar dhe me vend depozitime të shumta mbetjesh pranë detit, po shndërrohet në një park qendror, duke ofruar më shumë hapësira publike jo vetëm për rreth 175,000 banorë të qytetit bregdetar, por edhe turistët”, thuhet në dokument.
Por në fakt gjendja e Sheshit “Taulantia” është si në foton më poshtë, sa herë fillojnë shirat! Afati i kryerjes së punimeve ka qenë 18 muaj dhe projekti është inauguruar në dhjetor 2020.
Ndërsa në dhjetor të 2021, shëtitorja u shkatërrua nga moti i keq, për shkak se punimet ishin të dobëta. Vetëm tani pas 2 vitesh u kujtua sërish Sako të rregullojë katrahurën që shkaktoi vetë. Bëhet fjalë për punë që po bëhet përsëdyti me paratë e taksapaguesve. Me sa duket, Sako po e shtron vetë rrugën për në SPAK me tenderin e Shëtitores “Taulantia”, që është pjesë e vogël e një shpërdorimi dhe përvetësimi të madh!
Emiriana Sako blen 530 metër kub beton, 41 milionë lekë ikin pa garë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post