Trajneri i Kombëtares, Edoardo Reja ka dalë në konferencë për mediat në prag të takimit me San Marinon, që do të luhet mbrëmjen e së mërkurës në orën 20:45 në ‘Elbasan Arena’.
Reja është shprehur shpresë plot për këtë ndeshje, ndërsa ka theksuar se fitorja ndaj Hungarisë ishte një hap i madh.
Megjithatë më tej trajneri i kuqezinjve ka theksuar se as San Marino nuk është një ekip i lehtë dhe duhet treguar kujdes nga kundërsulmet.
“Kemi bërë edhe gabime që duhet t’i korrigjojmë. Megjithatë fitorja ndaj Hungarisë na jep shumë mbështetje. Skuadra ka treguar se ka shumë sigurt në fushë. San Marino nuk do të jetë një ndeshje e lehtë. Duhet të jemi të kujdesshëm nga kundërsulmet.”-u shpreh tekniku italian./Gijotina.com
