Një i ri është kapur me dy mina me telekomandë në Durrës, te cilat janë sekuestruar në cilësinë e provës materiale.
I riu është identifikuar si Paulin Deda, 34 vjeç, banues në Milot, Kurbin, ndërsa sipas detajeve nga policia rezulton i dënuar më parë për veprën penale “Prodhim dhe shitja e narkotikëve”.
I riu u kap në lagjen 13, Plazh, Durrës, në vendin e quajtur “Terminali i autobuzëve”, dhe gjatë kontrollit fizik i gjetën dhe sekuestruan në cilësinë e provës materiale 2 mina me telekomandë të cilat ky shtetas do t’i shiste kundrejt shumës 6000 euro.
Sakaq, në bashkëpunim me Prokurorinë e Rrethit Gjyqësor Durrës, vijon puna për identifikimin e personave të tjerë të përfshirë në këtë veprimtari kriminale.
Ndërsa, materialet i kaluan Prokurorisë së Rrethit Gjyqësor Durrës, për veprime të mëtejshme.
