Verilindorët arritën të marrin avantazhin e takimit në minutën e 11’ me golin e Edi Bashës, por gjyqtari Myrtja e vlerëson të pavlefshëm ate duke akorduar një faull.
Minutat e tjera të kësaj pjesë gjetën sërish Kukësin teksa tentonte të befasonte skuadrën e Gugash Maganit, që kulmuan me ndërhyrjen e Taipit në dëm të Telushit, por fatmirësisht përfundoi pa asnjë dëmtim duke i lënë në këtë mënyrë rrjetat e paprekura në ketë pjesë të parë.
Edi Basa do të krijonte menjëherë rastin e tij në dëm të kundërshtarëve duke i shpëtuar mbulimit të mbrojtjes së Egantias, por portieri Puja bën detyrën dhe mbron gjithçka, por Basa nuk do të dorëzohej.
Minuta e 53’ do të ishte fatale për skuadrën nga Rrogozhina, ku këtë herë Basa finalizon për Kukësin, ku mbrojtësi kroat lëshon një goditje nga brënda zonës. Bruno Puja mundohet të devijojë topin, por nuk mundet ti ndryshojë trajektoren, me rrjetën krutane që tundet dhe Kukësi merr avantazhin e takimit.
Të besuarit e Longos do të gjenin sërish rrjetën në minutën e 84’ me Milunovic, duke dyfishuar avantazhin, për të vendosur në këtë mënyrë dhe fatin e takimit, që përfundon me shifrat 2-0.
Në përfundim te ekëtij takimi, Kukësi e ruan pozitat në vendin e dytë të renditjes, tashmë me 20 pikë, vetëm një më pak se Tirana kryesuese.
Discussion about this post