Një foto e pakëndshme ka qarkulluar në media, ku deputeti socialist i qarkut të Fierit, Bujar Çela ka uruar kolegët e tij për festën e 109-vjetorit të Pavarësisë me një foto të diktatorit Enver Hoxha.
Foton në fjalë e ka bërë publike nënkryetari i PD, Enlekejd Alibeaj, i cili e ka konsideruar si turp një akt të tillë, ndërsa e cilëson Leskajn si një “faqezi”.
“Ja se çfarë poston Bujar Çela, deputet i PS si urim për Ditën e Pavarësisë së shqiptarëve: flamurin e shqiptarëve me foton e diktatorit përmbi të. Ia ktheva përgjigjen unë dhe kolegët e mi deputetë të PD! E pra komunizmi, kjo farë e keqe, i ka rrënjët shumë të thella! Duhet urgjentisht dekomunistizim i shoqërisë shqiptare”, shkruan Alibeaj.
Megjithatë, në vend që të fshinte foton dhe të kërkonte ndjesë, Çela zgjodhi që të ironizonte demokratët, duke u përgjigjur vetëm me një: Rrituni për Shqipërinë që duam!
Discussion about this post