Kukësi ka fituar në përballjen me Kastriotin me shifrat 4-0. Verilindorët që arritën të gjenin rrugën e rrjetës në minutën e 40-të me atë të Filip Gligorov. Vetëm 5 minuta më vonë djemtë e Diego Longos do të fitonin një penallti dhe kapiteni Gjelbri Taipi u tregu i saktë nga pika e bardh. Në pjesën e dytë verilindorët gjetën edhe golin e tretë, i cili erdhi nga një aksion model nga lojtarët e Kukësi, ku topi kaloi nga Gjelbrim Taipi-Gligorov dhe në fund ishte edhe realizimi perfekt i Edi Basa 60’.
Kastrioti provoi të surprizonte Kukësin me portierin Tafa që ishte në lartësinë e duhur, ndërsa ndaloi në disa momente krutanët e Emiliano Çelës. Musta nga një goditje dënimi kërkoi të shënonte një supergol, por që tentativa e tij shkoi “huq”. Në këtë ndeshje kishte vend edhe për golin e katërt, ku në 90+2′, Kreshnik Bahtiri përfiton nga një top i ardhur nga krahu i majtë dhe gjen golin e parë sezonal me skuadrën verilindore.
Me këtë fitore verilindorët arrijnë në kuotën e 37 pikëve, po aq sa Laçi i vendit të dytë që do të luajë nesër me Dinamon. Nga krahu tjetër Kastrioti mbetet me 15 pikë në vendin e fundit të tabelës së klasifikimit.
Discussion about this post