Vodhi një automjet dhe e braktisi në rrugë pas aksidentit, arrestohet 29-vjeçari në Vlorë

Një 29-vjeçar në Vlorë është arrestuar nga policia pasi ishte shpallur në kërkim prej dhjetorit të vitit të kaluar.

Ai kishte vjedhur një automjet dhe më pas duke u arratisur është përplasur me një automjet tjetër dhe ia ka mbathur.

Specialistët e  Hetimeve të Krimit në Komisariatin e Policisë Vlorë bënë kapjen e shtetasit me iniciale A. J.

Gjykata e  Rrethit Gjyqësor Vlorë me vendimin e datës 11.01.2022, i  ka vendosur masën e sigurisë “Arrest me burg” për kryerjen e veprave penale “Drejtimi automjeteve në mënyrë të parregullt”, ” Largimi nga vendi aksidentit”, ” Vjedhja”.