Skuadra e Kukësit fitoi me Egnatian në sfidën e kthimit në kupën e Shqipërisë me shifrat 1-0 por nuk i’a doli të kualifikohej në turin tjetër të këtij kompeticioni pasi humbi sfidën e parë 3-1. Megjithatë trajneri Diego Longo ka theksuar pas ndeshjes se shpreson që ekipi i tij të vazhdojë në këtë rrugë duke i’u referuar lojës.
“Një nga ndeshjet më të mira të luajtura, edhe pse fitorja nuk mjaftoi për të kaluar turin. Mëkat për ndeshjen e parë, por me të vërtetë një ndeshje e mirë. 85% mbajtje topi, një shtyllë, shumë raste të qarta dhe një gol i anuluar në fund. Duhet të vazhdojmë kështu. Nëse ndokush nuk e kupton, më vjen keq për të, por është një problem i tiji. Tani të mendojmë të rikuperojmë dhe menjëherë mendjen te Tirana. Të hënën do të jetë një ndeshje e madhe”, theksoi trajneri i skuadrës së Kukësit, Diego Longo.
Discussion about this post