Diego Longo zyrtarisht nuk është më trajner i Kukësit. Italiani e mbylli në vendin e katërt me verilindorët, në sezonin debutues në Superiore.
“FK Kukësi dhe trajneri Diego Longo kanë vendosur të ndërpresin bashkëpunimin! Me fundin e sezonit 2021-2022, ka përfunduar edhe kontrata e trajnerit italian dhe palët kanë vendosur të mos e vazhdojnë bashkëpunimin.
Klubi i Kukësit falënderon trajnerin Diego Longo, asistentin Amedeo Di Latte dhe trajnerin e portierëve Andrea Cardinale për kontributin e dhënë dhe ju uron suksese në karrierën e tyre”, njoftoi klubi verilindor.
Te Kukësi nuk kanë humbur kohë për të gjetur trajnerin e ri dhe bëhet fjalë për një rikthim. Skënder Gega do të jetë pasuesi i Longos. Supersport raporton se të hënën ai do të prezantohet në “Kukës Arena”.
Ai ishte edhe vjet në krye të Kukësit, por nuk e mbylli sezonin. Për disa ndeshje madje nuk ishte as në pankinë, për shkak të infektimit me Covid-19.
Discussion about this post