Policia e Tiranës ka finalizuar operacionin “Kashari”, nga i cili kanë rënë në pranga babë e bir në Tiranë.
Fatmir Sulaj, 56 vjeç dhe Hamdi Sulaj, 25 vjeç, janë vënë në pranga për shkak se akuzohen për kanabis dhe armë pa leje.
Arrestimi i këtyre shtetasve u bë pasi gjatë kontrollit të ushtruar në brendësi të banesës, në një serë bujqësore, u konstatuan të mbjella bimë narkotike të llojit Cannabis Sativa.
Pas kontrollit të policisë u gjetën dhe sekuestruan dy armë zjarri automatik dhe municion luftarak, që dyshohet se përdoreshin nga autorët për të ruajtur bimën narkotike.
Pas kontrollit të policisë u gjetën dhe sekuestruan dy armë zjarri automatik dhe municion luftarak, të cilat dyshoheshin se përdoreshin nga autorët për të ruajtur bimën narkotike.
