Pas Anglisë dhe Spanjës, kultivuesit shqiptarë të kanabisit po kthehen në problem madhor edhe në Gjermani.
Gazeta gjermane, BILD, publikoi një foto nga një operacion policor në Piramesens, ku u godit një bandë shqiptare e kultivimit të kanabisit.
Policia doli në një konferencë për shtyp në një dhomë të mbushur me qese plot me kanabis.
Operacioni u krye nga forcat speciale dhe në pranga ranë katër shqiptarë nga mosha 23 deri në 46 vjeç. Ata u kapën në mes të punës.
Hetuesit thanë se kishin gjetur kanabis të cilësisë më të mirë. Të paktën 2 mijë rrënjë u kapën nga forcat policore.
Sipas gazetës BILD, nëse lënda narkotike do të shitej në treg, do kapte vlerën e të paktën 1 milion eurove.
Discussion about this post