Marash Kumbulla nuk po kalon një moment të mirë në Serinë A italiane, duke qenë se trajneri Jose Mourinho duket se e ka humbur besimin te mbrojtësi i Kombëtares. Mediat italiane, bëjnë me dije se Roma ka nisur nga puna, për të përforcuar repartin e mbrojtjes.
Pas mbrojtësit të Lion, Husem Ouar i cili është shumë pranë kalimit në Romë, verdhekuqtë kanë edhe një tjetër emër, i cili tashmë ka zbarkuar në kryeqytet. Bëhet fjalë për 19-vjeçarin e Zwolles, Rav van den Berg, i cili do të kryejë vizitat mjekësore me Romën.
Me transferimin e dy mbrojtësve në kryeqytet, Kumbulla si duket duhet të kërkojë një skuadër tjetër në merkaton e verës. Mbrojtësi i Kombëtares është aktivizuar këtë sezon në vetëm 12 ndeshje me fanellën e Romës në të gjitha kompeticionet.
Discussion about this post