Ditën e sotme është njoftuar tërheqja e Marash Kumbullës nga Kombëtarja Shqiptare dhe shkak për këtë është bërë dëmtimi që ai mori këtë të premte në përballjen kundër Anglisë në kualifikueset e Botërorit 2022 që u humb nga kuqezinjtë me rezultatin 5-0.
Qëndërmbrojtësi luajti vetëm 17 minuta në këtë përballje, deri në momentin kur ai u detyrua të largohet nga loja.
Kumbulla pritet të kthehet në ditët në vijim drejt Romës, ku analizat që ai do të kryejë atje do të japin një rezyme akoma më të qartë rreth këtij dëmtimi.
Ky është një moment i papërshtatshëm për lojtarin e kombëtares tonë, ku ky dëmtim i shtohet edhe problemeve që ai ka me trajnerin Murinjo, që kohët e fundit është kritikuar jo pak herë për formën që ai gëzon.
Discussion about this post