Banorët e “5 majit” në Tiranë kanë dalë në protestë dhe ditën e sotme duke I bërë thirrje qeverisë që të shtëpitë e tyre të mos shemben nga IKMT ose përndryshe do përballen me reagime të dhunshme.
Një nga banorët teksa tregonte certefikatën e pronësisë u shpreh se kur ishte e nevojshme njerëz të Partisë Socialiste shkuan dhe u kërkuan votën, ndërsa sot që protestojnë për pronat e tyre ata nuk I njohin më.
Sipas tij kjo qeveri po i detyron qytetarët të kthehen në terroristë duke qenë se çështja nuk po zgjidhet ligjërisht. Me tonë kërcënuese ai iu drejtua ministres së Infrastrukturës Belinda Balluku duke e quajtur “Zonja Beqiri Balluku” se nëse nuk merren masa, do I gjejnë shtëpinë dhe problematika do të zgjidhet ndryshe.
Kujtojmë se banorët janë në protestë prej shumë ditësh tashmë duke i mëshuar faktit se do të prishen shtëpitë e legalizuara dhe do dëmtohen rreth 400 familje pasi procesi i IKMT-së sipas tyre ka 12 faza.
Ndërkohe në lagjen “5 Maji” në Tiranë po punohet për ndërtimin e pallateve të reja, ku do të strehohen familjet, shtëpitë e të cilave u dëmtuan rëndë nga tërmeti i 26 nëntorit të vitit 2019.
Discussion about this post