Deputetja e Partisë Demokratike, Ilda Dhori, ka dorëzuar padinë në Gjykatën Administrative të Shkallës së Parë kundër traut të vendosur në parkun kombëtar të “Divjakë-Karavasta”.
Lajmi u bë i ditur nga deputetja, e cila shkruan në “Facebook” se ky tra është i paligjshëm, ndërsa beson se kauza e qytetarëve të Divjakës do të triumfojë.
“Pranë Gjykatës Administrative Shkalla e Parë, Tiranë; Sapo dorëzova kërkesë padinë time, si përfaqësuese e Divjakës, mbi paligjshmërinë e traut elektronik, në hyrje të Parkut dhe Plazhit të Divjakës! Me bindjen e plote se e drejta është me qytetaret”, shkruan deputetja.
Lexo edhe: Rama shfaqet i djersitur pas 53 minutave fjalim në Kuvend (FOTO)
Banorët e Divjakës janë shprehur kundër kësaj nisme, ndërsa nuk kanë munguar as përplasjet me Policinë e Shtetit në përpjekje për të larguar traun. Sipas tyre, kjo skemë shkatërron turizmin si dhe bizneset që funksionojnë në këtë zonë.
Discussion about this post