“Lufta” me COVID në vend dhe rajon vijon, ndërsa së fundmi në shtetin grek ka vënë në lëvizje punonjësit e shëndetësisë, të cilët kanë dalë për të protestuar vaksinim e detyrueshëm të vendosur nga qeveria.
Sipas mediave greke, sindikata që përfaqëson stafin e spitalit publik grek po planifikon një grevë dhe një tubim në qendër të Athinës të enjten për të protestuar kundër vaksinimit të detyrueshëm të punonjësve të kujdesit shëndetësor kundër Covid-19.
Greva e thirrur nga POEDIN do të zgjasë nga ora 10 e mëngjesit deri në 3 pasdite, me protestuesit që pritet të mblidhen para Ministrisë së Shëndetësisë në orën 11 paradite.
Sipas mediave greke, POEDIN gjithashtu u ka bërë thirrje anëtarëve të saj të vaksinuar të mos dorëzojnë certifikatat e tyre të imunitetit tek autoritetet për të parandaluar krijimin e një regjistri që tregon se cilët punonjës të kujdesit shëndetësor janë vaksinuar kundër koronavirusit të ri dhe cilët jo.
Punëtorët shëndetësorë që refuzojnë vaksinimin do të përballen me pezullim pa pagesë.
POEDIN pretendon se ligji që e bën vaksinimin të detyrueshëm për të gjithë punonjësit e shëndetësisë do të bëjë vetëm një ngarkesë shtesë në sistemin publik të kujdesit shëndetësor duke krijuar më shumë mungesa të stafit.
