Kosta Resuli është 47-vjeçari nga Fieri që ka rënë në prangat e policisë pasi ka kundërshtuar punonjësin e Policisë së Qarkullimit Rrugor gjatë kryerjes së detyrës.
Ndërkohë, një 23-vjeçar u arrestua pasi në Divjakë, duke drejtuar motomjetin tip “Dayang” në gjendje të dehur, është rrëzuar dhe për pasojë është dëmtuar pasagjeri në motomjet i cili pasi mori mjekim në spital, u largua për në banesë.
Ndërkohë, u bë ekzekutimi i urdhrit të Prokurorit për 39-vjeçarin Hekuran Zykaj, banues në Peshtan Bregas, Fier pasi Gjykata e Apelit Vlorë e ka dënuar me 1 vit e 8 muaj burg për veprën penale “Prodhimi dhe shitja e lëndëve narkotike”.
Gjithashtu u procedua penalisht një 45-vjeçar, banues në Fier pasi dyshohet se në lokalin në administrim të tij, ushtronte aktivitetin e paligjshëm të lojërave të fatit dhe basteve sportive. U sekuestruan në cilësinë e provës materiale dy aparate celularë.
Discussion about this post