Banorët e Rinasit kanë dalë sërish në protestë kundër vendimit të ARRSH për të mbyllur lëvizjen. Ashtu sikur kanë paralajmëruar ata kanë bllokuar rrugën për në aeroport, protesta ka filluar në orën 10:00 dhe pritet të zgjasë deri në orën 12 të drekës. Ndërkohë kujtojmë se në këtë protestë janë bashkuar edhe banorët e Niklës dhe ata të Krujës. Ata të gjithë njëzëri kërkojnë që të lirohet rruga, në të kundërt protestat do të përshkallëzohen. Ata janë ulur në mes të rrugës që lidh Tiranën me Rinasin dhe tregojnë se nuk do të cohën nga aty, derisa të marrin një zgjidhje. Banorët kanë protestuar edhe dje, ata kërkojnë që rruga të hapet plotësisht, duke qenë se bën lidhjen me aeroportin dhe iu ka pezulluar shumë aktivitete në kushtet që është tani.
Protestës sot i është bashkuar edhe deputetja e PD-së Andia Ulliri, e cila tha se bllokimi i lëvizjes në këtë rrugë, penalizon jo vetëm banorët e Rinasit, por të gjithë veriut të Shqipërisë.” Nuk mund të pranojmë ne faktin që të penalizohen të gjithë banorët e Rinasit, Fushë Krujës, dhe të gjithë veriut. Nuk ka asnjë lloj vendimi, nuk është normale që një zonë e tërë të penalizohet për një institucion. Shoh që ka shumë oficerë policie, të cilët edhe vetë janë në Rinas, do të doja të ishin në anën tonë. Ju është hequr aksesi për të shkuar në shkollë,në spital, protestuesit nuk mund të pranojnë që përgjigjen të mos jenë në rrugë zyrtare”, u shpreh ajo. Banorët janë ulur në rrugë dhe kanë bërë thirrje të ndryshme në drejtim të kryeministrit Edi Rama.
Discussion about this post