Kupa e Gjermanisë, Leipzig mëson kundërshtarin

Stuttgart nuk ia del të bëjë surprizën edhe pse shënoi i pari në sfidën gjysmëfinale të Kupës së Gjermanisë kundër Eintracht Frankfurt.

“Shqiponjat” triumfuan 3-2 duke treguar më shumë cilësi për të siguruar kështu finalen e madhe të Berlinit u do të sfidojnë Leipzig që shkatërroi 5-1 Freiburg, duke i lënë takim skuadrës së Eintracht.

Kjo do të jetë finalja e nëntë për bardhezinjtë nga Frankfurti që kanë fituar 5, të fundit në vitin 2018 kundër Bayern Munchen në finale.

Në krahun tjetër, Leipzig mund të konsiderohet disi më favorit pasi në 4 vitet e fundit ka luajtur 3 finale por ka fituar vetëm një të tillë.